Jujaro, mongare, om - om, tanta - tanta, tamang - tamang samua. Lewat cerita ini beta mewakili tamang - tamang SMAPER mau kasi kanal satu orang yang bisa jadi teladan yang bae deng biking bangga katong. Panggel saja "brand". Lengkapnya "Brandon Kristiano Noya".
Dong tau ?? Dia ini kayak orang yang pung banya talenta. Biking ini bisa, biking itu jua bisa. Pokoknya serba bisa. Seng sadiki kegiatan yang dia iko par mewakili sekolah, mulai dari Olimpiade Biologi, seminar, lomba karya tulis "Keselamatan Transportasi", lomba mading, asal usul negri, masuk tim basket sekolah, deng masih banya lae. Beta yang tulis sah lupa !#!? :D . Biar kacil - kacil bagini dia jua jadi manager band di sekolah. Dia mantan wakil ketua osis di SMA Pertiwi periode 2010/2011.
Dia kalo blajar serius, jang coba - coba ganggu. Itu bahaya, salah - salah bisa dapa bakalai. Brandon aktif dalam kegiatan blajar di skolah, lebih khusus par pelajaran biologi. Tapi, jang salah di pelajaran - pelajaran yang laen jua seng pernah mau kalah dari tamang - tamang di klas. Jago bahasa asing lai (bahasa inggris).
Coba kamong pikir, dia kalo blajar musti dengar lagu. Hampir samua lagu yang dia suka itu dari barat. Jarang - jarang ada anak kayak gitu :D . Biar kata dia pung suara seng sama deng orang Ambon yang terkenal deng suara bagus, par dia yang namanya lagu par manyanyi tuh manyanyi saja. Soal kiri deng kanan itu dari blakang. Dia paleng suka baca novel, par dia lebe bae baca novel yang halaman 100 lembar lebih daripada baca buku pelajaran. Katanya membosankan !
Dari samua kegiatan yang dia iko, yang paleng bangga itu lomba karya tulis "Keselamatan Transportasi". Dia dapat pilih par jadi Pelajar Pelopor Keselamtan Transportasi Darat, dari Kota Ambon lewat seleksi tingkat Kota/Kabupaten, truus Provinsi deng dia pung judul "Jembatan Menuju Kebahagiaan Dan Kesengsaraan". Puji Tuhan deng campur tangan-Nya dia juara 1 Provinsi Maluku. Hari Minggu tanggal 20 November dia brangkat dari Ambon ka Jakarta.
Satu minggu dia seng ada deng katong di dalam kelas, jadi rasa kelas paleng sunyi barang seng ada orang yang bikin kaco deng baterek di klas XII IPA. Waktu dia pi Jakarta katong ada tes semester. Pas 1 minggu dia bale, dia carita banya tentang apa saja yang dong biking disana. Carita - carita itu yang katong biking akang par pengalaman baru deng pelajaran. Biar dia su bale di Ambon tapi seng lapas dia pung muka dari gerobak bakso mas epen yang di pinggir sekolah. Soalnya dia suka makan bakso.
Dia pung sifat bae par orang, dia jaga bantu tamang - tamang biking tugas, anehnya dia sandiri jarang kumpul tugas. Yang paleng enak tuh kalo su dudu sama - sama lalu saling tukar pikiran. Minta ampong parcis ade kaka yang ada kasih nasehat. Paleng suka par biking tatawa deng hal - hal kecil yang seng lucu. Tapi, bagemana lae dia paleng biking bangga sekolah. Biar kacil tapi jadi sombar par katong, par dia katong samua ini mampu, asalkan katong mau usaha !. Samua yang katong mau, pasti katong bisa dapat. Jadi, mulai akang dari skarang. Kalo bukan skarang, kapan lai ? Kalo bukan dari katong sendiri, sapa lae ?
Dong tau ?? Dia ini kayak orang yang pung banya talenta. Biking ini bisa, biking itu jua bisa. Pokoknya serba bisa. Seng sadiki kegiatan yang dia iko par mewakili sekolah, mulai dari Olimpiade Biologi, seminar, lomba karya tulis "Keselamatan Transportasi", lomba mading, asal usul negri, masuk tim basket sekolah, deng masih banya lae. Beta yang tulis sah lupa !#!? :D . Biar kacil - kacil bagini dia jua jadi manager band di sekolah. Dia mantan wakil ketua osis di SMA Pertiwi periode 2010/2011.
Dia kalo blajar serius, jang coba - coba ganggu. Itu bahaya, salah - salah bisa dapa bakalai. Brandon aktif dalam kegiatan blajar di skolah, lebih khusus par pelajaran biologi. Tapi, jang salah di pelajaran - pelajaran yang laen jua seng pernah mau kalah dari tamang - tamang di klas. Jago bahasa asing lai (bahasa inggris).
Coba kamong pikir, dia kalo blajar musti dengar lagu. Hampir samua lagu yang dia suka itu dari barat. Jarang - jarang ada anak kayak gitu :D . Biar kata dia pung suara seng sama deng orang Ambon yang terkenal deng suara bagus, par dia yang namanya lagu par manyanyi tuh manyanyi saja. Soal kiri deng kanan itu dari blakang. Dia paleng suka baca novel, par dia lebe bae baca novel yang halaman 100 lembar lebih daripada baca buku pelajaran. Katanya membosankan !
Dari samua kegiatan yang dia iko, yang paleng bangga itu lomba karya tulis "Keselamatan Transportasi". Dia dapat pilih par jadi Pelajar Pelopor Keselamtan Transportasi Darat, dari Kota Ambon lewat seleksi tingkat Kota/Kabupaten, truus Provinsi deng dia pung judul "Jembatan Menuju Kebahagiaan Dan Kesengsaraan". Puji Tuhan deng campur tangan-Nya dia juara 1 Provinsi Maluku. Hari Minggu tanggal 20 November dia brangkat dari Ambon ka Jakarta.
Satu minggu dia seng ada deng katong di dalam kelas, jadi rasa kelas paleng sunyi barang seng ada orang yang bikin kaco deng baterek di klas XII IPA. Waktu dia pi Jakarta katong ada tes semester. Pas 1 minggu dia bale, dia carita banya tentang apa saja yang dong biking disana. Carita - carita itu yang katong biking akang par pengalaman baru deng pelajaran. Biar dia su bale di Ambon tapi seng lapas dia pung muka dari gerobak bakso mas epen yang di pinggir sekolah. Soalnya dia suka makan bakso.
Dia pung sifat bae par orang, dia jaga bantu tamang - tamang biking tugas, anehnya dia sandiri jarang kumpul tugas. Yang paleng enak tuh kalo su dudu sama - sama lalu saling tukar pikiran. Minta ampong parcis ade kaka yang ada kasih nasehat. Paleng suka par biking tatawa deng hal - hal kecil yang seng lucu. Tapi, bagemana lae dia paleng biking bangga sekolah. Biar kacil tapi jadi sombar par katong, par dia katong samua ini mampu, asalkan katong mau usaha !. Samua yang katong mau, pasti katong bisa dapat. Jadi, mulai akang dari skarang. Kalo bukan skarang, kapan lai ? Kalo bukan dari katong sendiri, sapa lae ?
 |
 |
Tidak ada komentar:
Posting Komentar